7. Sco glatsch II

 

Gl’ei sco glatsch

Che liua en mes mauns

Igl ei sco la cuntrada

Che fui sper nus vi

Sco la vapur d’ina fladada

Strusch cheu e gia naven

Strusch cheu e gia naven

 

Las neblas tilan sperasvi

Ils dis sebrattan cullas notgs

Ei dat nevadas, dat sulegl

Jeu neschel e jeu mierel di per di

E ti vegnas e vas sco

Sch’jeu fuss tiu dacasa

Sch’jeu fuss tiu dacasa

 

Tia preschientscha mazza mei

Jeu anflel buca ruaus

Igl ei sco larmas che brischan

Zenns che tuccan en miu tgau

E jeu audel nuot auter

Che tes pass en miu cor

Che tes pass en miu cor