11. Nus tapagnacs

 

Ei ha cuzzau bia temps

Duvrau bia forza

Da vegnir in tec pli datier da tei

 

E sch’jeu mirel anavos

Sch’jeu sundel sincers

Sche fuss quei tut buca stau da basegns

 

Tut quellas reproschas

Quei haregem e tugnem

E discussiuns viaden ella notg

 

Adumbatten – ti eis ti ed jeu sun jeu

 

Ellas smaccavan tei

Ellas smaccavan mei

Quellas battaglias senza senn

 

E nus eran fitgai

Stinai en nos plaids

Mo tut quei cun tarlischur els egls

 

Enzacu has ti ris

E jeu gl’emprem sevilau

Ensemen vein nus scurlau ils tgaus

 

Nus tappagnacs – e ris ensemen da cor

 

Unfisai da tschintschar

Pusein nus nos tgaus

Frunt a frunt cun ils egls serrai

 

Tuttenina ruaus

Schi bia bi entuorn nus

Ed il temps para da s'udir a nus

 

Nus vegnin carmalai

En profunda sien

Entuorn nus para tut da svanir

 

Dano nus dus

 

(Nus vegnin mazzai

Vegnin parturi

Nus odiein in l’auter

Per saver carezzar

Nus battin in l’auter

Per esser uni

Nus schischin giun plaun

Ed empruein da sgular)

 

Ellas smaccavan tei

Ellas smaccavan mei

Quellas battaglias senza senn

 

Nus eran sco dus tschocs

Seperdi el stgir

Mintgin cun ils mauns en sac

 

Enzaco mav’ei a fin

Mo in griu ei restaus

Che rebatta aunc adina en nus

 

Vus tappagnacs – daco arvis buca vos egls?