12. Gina
La fenestra ei aviarta
Ti sas uss ir
Igl ei in di da mai murir
In di d'entscheiver buca da finir
Ditg hai jeu buca giu capiu
Adispir pitiu
Mo en quei snueivel batterdegl
Has ti regalau a mi in peren sulegl
Tut quels muments che nus vein ris
Els ein tuts cheu
L'amur che resplenda en tes egls
Glischa uss sco steil' el firmament
Dattas sinzur cun segns teners
Che consoleschan mei
Lais saver mei ch'igl ei ussa bien
E ch'jeu sai curdar ruasseivels ella sien
Il vent sufla nibels avon sei
Jeu mon vinavon da buna fei
L'aria ei clara e miu pass ei levs
S'allontaneschel dils temps grevs
Scrolas tia bera sco in poni selvadi
Finalmein libra da far tiu agen viadi
Da propi eis ei mai vargau
Fin ch'igl ei buca emblidau
Da propi eis ei mai vargau
Enfin ch'igl ei buca emblidau
Ti restas en miu tgau ed en miu cor
La fenestra ei aviarta
Ei dat sulegl
Utschals cantinan el curtin
Ed ei va in flad primavaun fin fin