4. Plascher
Igl ei baul la damaun
E jeu arvel mes egls
Ti schaias quieta
E ruasseivla sper mei
E ti dormas aunc
Eis en in auter mund
Mo il sulegl cun siu cauld
Sveglia tei plaun a plaun
E sligia tia lieunga
Ord il tegn dalla sien
Tes egls pigns
Rian si per mei
Igl artg dalla bucca
Quel setila ensi
Gl’emprem che ti dias
Fa che jeu stossel rir
Ti tilas in
In suenter l’auter
Ti tuccas savens
Magari enamiez
Mo cun tias parolas
Diverteschas ti mei
Patarlas e rias
Sin differentas vias
Passentas il temps
Sper il flum da tes plaids
Mo la sien sa prender
Tei ord tiu element
E jeu sai ch’igl ei bien
Da seser visavis tei
E da schar derscher
Tiu plascher sur mei
Quei fa bein a ti
Quei fa bein a mi
Ti tuccas savens
Magari enamiez
Mo cun tias parolas
Diverteschas ti mei
Ti tuccas savens
Magari enamiez
E ti muentas mei
Cun mussar tiu plascher
(Tiu plascher …)