3. Anavon

 

Sco il vent camin’jeu

Per tschercar tei

Less mo che ti retuornas

Anavos tier mei

Perdunas il schabegiau

Anavos e vinavon cun mei

Ed anavon plaun a plaun

 

En furtina

S’avischin’ jeu

E ti sesas sin in baun persula

E grossas larmas

Culan orda tes egls

Ina flur sulegl

Che lai pender il tgau

 

E lu vesas ti mei e rias da quei levet

Jeu tegnel tiu tgau e betschel tei

In um che passa e vesa nus carsinond

Smacc‘in egl –

Sco da dir:

«Mo fagei vinavon. Mo vinavon. Ed anavon!»

 

In en l’auter mein nus

Anavos e

Tenin ferm nos mauns entochen casa

Las colurs semidan

Dad in grisch en gagl

E tiu rir vitier

Quel fa tut miraculus

 

E lu miras sin mei e rias da quei levet

Jeu tegnel tiu tgau e betschel tei

In um che passa e vesa nus embratschond

Smacc‘in egl –

Sco da dir:

«Mo fagei vinavon. Mo vinavon. Ed anavon!»

 

(«Tegn mei fetg e va cun mei vinavon»

«Gie, jeu tegnel tei e mon cun tei anavon»)