5. Stad

 

Tacs e nodas blauas

Dalla fandra vid ils mauns

Tscheccas han en rassa

Pievelun sin via ed els caffès

 

Testas cotschnas fruschan

Suadetsch giu dil frunt

Combas alvas catschan

Orda corps satels e gross

 

Denter tut quels auters

Sesin nus e fagein il medem

Cu luccas gnoccas passan

Stein nus en bada e buin

 

Gie la stad ei, dado e dadens

Gie la stad ei, en nos tgaus

Gie la stad ei, en nos cors

Gie nus essan – sco la stad

 

(«Amici, savur da sal e mar

Undas ell'ureglia

Martinis e Camparis

Che sebrattan silla meisetta

Sper la sutga da scher

E bialas talianas tut che schloppa

Ina pli brina che l'autra

Stroclas

Il mozzarella dalla Surselva»)

 

Surmenai digl anim

Mein nus ensemen anavos

Tschaffen tschappa nus

Ed Aretha pulsescha nus diltut

 

Ella dat il tact, ti saultas,

Jeu sai gleiti buc co star

Ella dat adina dapli e dapli

Dat pli bia

 

Gie la stad ei, dado e dadens

Gie la stad ei, en nos tgaus

Gie la stad ei, en nos cors

Gie nus essan – sco la stad