2. Sheringham

 

Igl ei freid, igl ei freid a Sheringham

Ils hosps ein gia daditg naven

E ruasseivla sco la neiv schai la mar

 

Jeu enquerel loghens che han da dir zatgei a mi

Mo jeu anflel pauc ni nuot

Che fadigia mi’ attenziun

 

Tut fa breigia cheu a Sheringham

Tegn tschelau tut, tegn ses misteris el zuppau

Dano quei um davos la bar

Ses egls tradeschan tut

 

Jeu projecteschel ussa quei

Che fatschenta mei en ses egls

Entochen che jeu vesel memez –

Memez en quei um

 

(In simbol, in’ enzenna

Ina crena dalla tema

Ina gnocca barocca

In tschiec ed ina tschocca

Da tuttas la megliera trocca ed uss? 

Larmas roclan)

 

Quella femna ch’el ha giu bugen

Quella ch’ei gia dapi onns

En in meglier liug che Sheringham

 

Migiels tarlischan avon il spieghel dalla bar

Pitgiv ruaussa si’egliada sin quella splendur

Che ses egls han piars