Tscherescha raquenta d’ina relaziun cuorta ed intensiva che lai anavos fastitgs profunds, malgrad ch'ella ha negin avegnir. Denter desideri, vischinonza e schar ir gira la canzun entuorn la regurdientscha d’ina giuvna cun egls ners sco tschereschas, cun ina presenza ed in’aura che resunan vinavon, era suenter che las vias ein gia daditg seperadas. Melanconic, mo plein speronza e forza interna, descriva la canzun quels inscunters rars che han buca tegn e cuoz, mo che envidan tuttina enzatgei en nus che resta.

Text e musica: Gion Fry | Arranschament: Gion Fry e Pascal Sieber

Gion Fry: Vusch principala, ghitara acustica, keyboard | Pascal Sieber: Secunda vusch, ghitara electrica, keyboard | Peter Haas: Battaria | Alex Brändle: Solo cun la Hammond | Christian Roffler: Orgla da Hammond | Severin Graf: Bass

Sheringham raquenta dalla bandunonza, dalla regurdientscha e d’in process quiet d'anflar sesez en in pingn marcau da costa ella regiun englesa Norfolk. Denter vias vitas, ina bar cun historias mai raquintadas e las egliadas da persunas jastras, entscheivan observaziun e reflexiun a semischedar. La canzun tracta co ins entaupa en loghens e carstgauns nunenconuschents mintgaton era sesez.

Text: Gion Fry | Musica: Pascal Sieber | Arranschament: Gion Fry e Pascal Sieber

Gion Fry: Vusch principala, sedunda vusch | Pascal Sieber: Ghitara acustica ed electrica, sedunda vusch | Patrik Schwitter: Battaria | Christian Roffler: Orgla Hammond | Severin Graf: Bass

Anavon raquenta dils emprems embrugls dall'amur e da dus giuvens che ston emprender d'ir entuorn cun blessuras, malsegirtad ed encarschadetgna. Denter larmas, vischinonza e speronza tracta il song dil fatg ch'ins sto sez viver atras certas experientschas dall'amur — e che gest en quellas sa era esser enzatgei colligiont e bi.

Text e musica: Gion Fry | Arranschament: Gion Fry e Pascal Sieber

Gion Fry: Vusch principala, ghitara electrica, keyboard | Pascal Sieber: Ghitara acustica, secunda vusch, keyboard | Peter Haas: Battaria | Christian Roffler: Orgla Hammond | Severin Graf: Bass

Plascher descriva la tgeua intimitad d'ina damaun communabla ed il cauld particular denter dus inamurai. Denter egliadas durmentadas, discuors e pigns gèsts raquenta la canzun d'in plascher da viver che para contagius e che fa special schizun ils pli sempels muments. Fin e plein levezia tracta la canzun dil plascher dad esser ensemen cun in carstgaun che fa bein ad ins.

Text e musica: Gion Fry | Arranschament: Gion Fry e Pascal Sieber

Gion Fry: Vuschs, ghitara acustica, battaria electronica, keyboard | Pascal Sieber: Ghitara electrica, battaria electronica | Christian Roffler: Clavazin | Lucas Schwarz: Bass

Stad raquenta d'ina stad euforica ella Provence e dall'amicezia intensiva da dus giuvens che selaian purtar communablamein tras notgs plein musica, calira, cafés e plascher da viver mediterran. Denter vias fullanadas, liungas seras e pigns excess descriva la canzun il sentiment da sepiarder el present – lev, selvadi e liber sco la stad sezza.

Text: Gion Fry | Musica: Pascal Sieber | Arranschament: Gion Fry e Pascal Sieber

Gion Fry: Vuschs, ghitara acustica, keyboard | Pascal Sieber: Ghitara electrica, keyboard | Peter Haas: Battaria | Severin Graf: Bass

Ti ed jeu raquenta dallas malsegirtads d’ina relaziun e da quels muments nua ch’ins sa semplamein buca tgei ch'ei endretg. La canzun tracta da buca schar ir in l’auter, da semplamein schar star certas caussas e da cuntinuar ensemen pass per pass.

Text: Pascal Sieber | Musica: Pascal Sieber | Arranschament: Gion Fry e Pascal Sieber

Gion Fry: Vusch principala | Pascal Sieber: Ghitara acustica, ghitara electrica, Erhu, secunda vusch | Peter Haas: Battaria | Severin Graf: Bass

Sco glatsch II * reflectescha la gretta e scarpada da buca saver schar dar. La canzun descriva il sentiment sch'enzatgi cumpara vinavon senza vegnir dumandaus els agens patratgs e lai anavos in caos emoziunal.

* Sco glatsch II ei ina nova registraziun d'ina canzun publicada 2014.

Text: Gion Fry | Musica: Gion Fry | Arranschament: Gion Fry e Pascal Sieber

Gion Fry: Vusch principala, ghitara acustica | Pascal Sieber: Ghitara electrica, ghitara acustica, secunda vusch | Peter Haas: Battaria | Christian Roffler: Orgla Hammond | Severin Graf: Bass

Gianteren II raquenta d'in um che sesenta attratgs d'ina dunna attractiva, ferton che la tschontscha senza fin da siu visavi retegn el da far il pass decisiv. Denter irritaziun, siemis dil di ed in mument munchentau descriva il song quei sentiment fugitiv, cura ch'ina pusseivladad mitscha plaunsiu.

* Gianteren II ei ina nova registraziun d'ina canzun publicada 2007.

Text: Gion Fry | Musica: Gion Fry | Arranschament: Gion Fry e Pascal Sieber

Gion Fry: Vuschs, ghitara acustica | Pascal Sieber: Ghitara electrica | Peter Haas: Battaria | Severin Graf: Bass

Jeu sai semova denter siemi e realitad, denter regurdientscha, encarschadetgna e la damonda, schebein quell'amur seigi insumma stada reala. Entras maletgs delicats e patratgs circulonts sfalda la canzun la furia emoziunala surprendenta d'amur giuvna – plein speronza, malsegirtad e caschuns munchentadas.

Text: Gion Fry | Musica: Pascal Sieber | Arranschament: Gion Fry e Pascal Sieber

Gion Fry: Vuschs, ghitara acustica, keyboard, battaria electronica | Pascal Sieber: Ghitara electrica, keyboard, battaria electronica | Peter Haas: Battaria | Severin Graf: Bass

Elmar ei ina reflexiun fetg persunala davart la sperdita d'in amitg d'affonza ch'ei ruschnaus ella dependenza e morts bia memia giuvens d'ina surdosa. Denter tristezia, malsegideivladad e gretta sedrezza il song era encunter la pussonza che lubescha in tal pitir ed encunter la petra impussonza en vesta ad ina veta che finescha bia memia baul.

Text, Musica ed Arranschament: Gion Fry

Gion Fry: Vuschs, ghitara acustica, keyboard | Peter Haas: Battaria | Christian Roffler: Orgla Hammond | Severin Graf: Bass

Tapagnacs raquenta d'ina intensiva emprema gronda amur che rumpa plaunet vid malcapientschas, luschezia, discussiuns  las pintgas fricziuns dil mintgadi. Denter vischinonza, surdumonda ed affecziun sincera descriva la canzun dus carstgauns che carezan in l'auter profundamein, mo che san tuttina buc impedir da blessar e s'allontanar in da l'auter. Musicalmein ed atmosfericamein sepusa la canzun vid la moda da raquintar da cantauturs talians sco Fabrizio De André ni Antonello Venditti.

Text e Musica: Gion Fry | Arranschament: Gion Fry e Pascal Sieber

Gion Fry: Vuschs, ghitara acustica, keyboard | Pascal Sieber: Ghitara electrica, ghitara acustica, keyboard | Peter Haas: Battaria | Christian Roffler: Orgla Hammond | Severin Graf: Bass

Gina raquenta da cumiau, sperdita e dil plaun retuorn da speronza. La canzun tracta d'in carstgaun carezau ch'ei bein buca pli cheu, il cauld, ils segns e las regurdientschas da quel vivan denton vinavon. Inspirada dall'idea ch'in carstgaun mieri pér propi cura ch'el vegn emblidaus, descriva la canzun co l'amur e l'attaschadadad san exister vinavon en nus sur la mort ora.

Text, Musica ed arranschament: Gion Fry

Gion Fry: Vusch e clavazin cun ala

La canzun tempipa dal temp sebasa sin tschun haikus da Benedetto Vigne ord sia collecziun diari giapunais cumparida 2016 ed ei vegnida presentada l'emprema ga il 2017 el rom d'il project litterar-musical Haikulala a Turitg.

La canzun, cantada per Rumantsch Grischun, envida da star calm, independentamein dallas circumstanzias dalla veta.

Text: Benedetto Vigne | Musica: Gion Fry | Arranschament: Gion Fry e Pascal Sieber

Gion Fry: Vuschs, ghitara acustica | Pascal Sieber: Ghitara acustica | Severin Graf: Bass